Յուրաքանչյուրիս մոտ օրվա ընթացքում պահ է գալիս երբ զգում ենք, որ հանգստի կարիք ունենք թեկուզ մի քանի րոպեով:
Գոյություն ունեն հանգստի տարբեր հնարքներ, որոնք թույլ են տալիս տոնուսի մեջ մնալ գրեթե ողջ օրվա ընթացքում:
Եթե դուք արդեն օգտագործում եք որևէ փորձված հնարք, որը ձեզ հանգիստ է պարգևում, կարող եք դրանով կիսվել ձեր երեխայի հետ նույնպես:
Մտածեք, թե ինչպես կարող եք խթանել ձեր երեխային կատարելու դրանք:
Երեխայի կյանքը նույնպես լի է սթրեսով:
Նրանք փորձում են դպրոցում լավ գնահատականներ ստանալ, ընկերներ ձեռք բերել և հարմարվել բոլոր նրանց հետ տեղի ունեցող փոփոխություններին, երբ նրանք մեծանում են:
Այնուամենայնիվ, կան մեթոդներ, որոնք հարմար են տարբեր տարիքի երեխաների համար `նախադպրոցականից մինչև դեռահաս:
Ինչպես սովորեցնել երեխային հանգստի տեխնիկաներ
Դուք կարող եք սովորեցնել նույնիսկ փոքր երեխային հանգստանալ և կենտրոնանալ, եթե օգտագործեք շարժումներ և հնչյուններ:
Դա նրանց կհետաքրքրի:
Փորձեք հետևյալ մեթոդները՝
- Զվարճացեք. Ասացեք ձեր երեխային, որ թուլացման տեխնիկան օգտակար և զվարճալի գործողություն է, ոչ թե պատիժ:
- Մի գերլարեք երեխային. Օրական ընդամենը մեկ րոպե մեդիտացիան կարող է երեխայի համար իսկական նվաճում լինել: Օգտագործեք թուլացման մի քանի մեթոդներ և փոխեք դրանք, եթե երեխան կորցնում է հետաքրքրությունը:
- Զարգացրեք խորը շնչառություն.Շնչառության վրա կենտրոնանալը հիանալի թուլացման տեխնիկա է, որի օգնությամբ դուք կարող եք սկսել տարբեր տարիքի երեխայի վերապատրաստումը:
- Երգեք. Ձեր երեխան սիրելի երգեր ունի: Իր հետ միասին երգեք երգի տարբեր հատվածներ, կամ թողեք լսի ձայնագրությունը, իսկ հետո խնդրեք կրկնել:
- Զբոսնեք. Քայլելիս կարող եք զրուցել կամ պարզապես վայելել շրջապատող բնությունը: Ձեր երեխայի հետ գնացեք այգի և խաղացեք խաղեր:
- Կատարեք ձգողական վարժություններ. Երեխայի համար կարող է դժվար լինել, եթե օրվա առաջին կեսը նա անցկացրեց դպրոցում, իսկ հետո ստիպված է գնալ որևէ պարապմունքի: Նրան հանգստանալու հարցում օգնելու համար կարող եք ցույց տալ մի քանի վարժություններ: Օրինակ՝ կատարել գլխի պտույտներ և այլն: Այս վարժությունները օգնում են թեթևացնել պարանոցի լարվածությունը, բարձրացնել ուղեղի արյան հոսքը և հանգստանալ:
Ձեր երեխաների մեջ ձևավորեք լավ սովորություններ, որոնք կօգնեն նրանց մեծանալ երջանիկ, խաղաղ և առողջ: